Ambadas Danve : शिंदेंच्या पक्षात अनेक लोकं भाजपचे अन्… अंबादास दानवे यांच्या दाव्यानं खळबळ

ठाकरे गटाचे नेते अंबादास दानवे यांनी एकनाथ शिंदे यांच्या नेतृत्वाखालील शिवसेनेत अनेक भारतीय जनता पक्षाचे (भाजप) कार्यकर्ते असल्याचा गंभीर आरोप केला आहे. मुंबईतील मुरजी पटेल हे शिंदे यांचा फोटो बॅनरवर न लावता नरेंद्र मोदी आणि देवेंद्र फडणवीस यांचे फोटो वापरतात, असे उदाहरण त्यांनी दिले. मुरजी पटेल हे आजही भाजपचे सरचिटणीस असल्याचे दानवेंनी नमूद केले. संजना जाधव यांच्यासारख्या नेत्यांचाही त्यांनी उल्लेख केला, ज्या शिंदे सेनेच्या नाहीत असे ते म्हणाले. एकनाथ शिंदे यांच्या पक्षातील अनेक लोक हे भाजपचे उमेदवार असल्याचे दानवेंनी म्हटले. सध्याचा शिंदे गट म्हणजे केवळ एक फुगा असून, तो कधीही फुटू शकतो, असा दावाही दानवेंनी केला.