Iran Israel War | BPCLच्या नवीन सूचना; कमर्शियल सिलेंडरच्या ऑर्डरवर बंदी, उद्योग व हॉटेल व्यवसायिकांना फटका

बीपीसीएलने (BPCL) कमर्शियल सिलेंडरच्या नव्या ऑर्डर न घेण्याच्या सूचना देत हॉटेल व उद्योग व्यवसायिकांना मोठा धक्का दिला आहे. पुणे जिल्ह्यातील शिक्रापूर आणि चाकण प्लांट्समधून या सूचना डिलर्सला पोहोचल्या आहेत. ही परिस्थिती देशातील गॅस पुरवठ्यावर मोठा परिणाम करणारी आहे. BPCL ने स्पष्ट केले आहे की, कमर्शियल सिलेंडरच्या नव्या ऑर्डर घेऊ नयेत, कारण सध्या इराण आणि अमेरिकेमधील सध्याच्या युद्धामुळे भारतावर त्याचा थेट परिणाम होत आहे. असा अंदाज आहे की, गॅसची कमतरता आणि जागतिक परिस्थितीमुळे कमर्शियल गॅसच्या दरात वाढ होऊ शकते. त्यामुळे उद्योग व हॉटेल व्यवसायिकांना आता पुढील नियोजन करत सावधगिरी बाळगणे गरजेचे आहे.