मुंबई : मुंबईत पुन्हा इमारत कोसळळ्याची घटना घडलीय. मुंबईतील (Mumbai Building Collapse) कुर्ला पूर्व येथील शिवसूष्टी रोड या ठिकाणी एक चार मजली इमारत कोसळली. नेहरु नगर (Kurla Nehru Nagar) इथं असलेली ही एक चार मजली इमारत सोमवारी रात्री उशिरा कोसळली. यामध्ये एकाचा मृत्यू झाला आहे. या इमारतीमध्ये 20-25 जण राहत असल्याची माहिती मिळतेय. त्यापैकी 15-18 जणांना वाचवण्यात आलंय. इमारत कोसळून अनेकजण खाली दबले गेले होते. जेसीबीच्या मदतीने इमारतीचा कोसळलेला मलबा हटवून खाली अडकलेल्यांना बाहेर काढण्यात आलं. महानगरपालिकेनं इमारत खाली करण्याची नोटीस दिली होती. तरीही त्याठिकाणी लोक राहत होते. दरम्यान, आता घटनास्थळी अग्निशमन दलाकडून बचावकार्य (Kurla Building Collapse Rescue Operation) केलं जातंय.