संजय राऊतजी, मनात मतभेद ठेवू नका, फक्त एवढी एक गोष्ट करा!; चंद्रशेखर बावनकुळे यांचं आवाहन

नागपूर : भाजपचे प्रदेशाध्यक्ष चंद्रशेखर बावनकुळे यांनी शिवसेना नेते, खासदार संजय राऊत यांना एक आवाहन केलं आहे. “संजय राऊतसाहेबांनी उद्यापासून कुठलेही मतभेद मनात ठेवू नयेत. त्यांनी आमच्या हातात हात घालून राज्याच्या विकासासाठी काम करण्याची गरज आहे”, असं बावनकुळे म्हणाले आहेत. सध्या जे टोकाचं राजकारण झालंय ते विसरून महाराष्ट्र विकासासाठी एकत्र आलं पाहिजे. आम्ही आज आमच्यापासून ही सुरुवात करत आहोत. सर्वांनी त्याला साथ द्यावी, असं आवाहनही बावनकुळे यांनी केलं आहे.