NCP Merger : Chhagan Bhujbal : राष्ट्रवादीच्या विलीनीकरणावर छगन भुजबळ यांचं मोठं विधान, म्हणाले…

राष्ट्रवादी काँग्रेसमध्ये संभाव्य विलिनीकरणाच्या चर्चेवरून सध्या राजकीय वर्तुळात जोरदार चर्चा सुरू आहे. या संदर्भात बोलताना राज्याचे मंत्री छगन भुजबळ यांनी आपली भूमिका स्पष्ट केली. विलिनीकरणाचा निर्णय जर घ्यायचा असेल, तर तो दोन्ही बाजूंकडून सांघिक आणि सामूहिक स्वरूपात घेतला जावा, असे भुजबळ यांनी म्हटले आहे. केवळ काही व्यक्तींच्या भेटीगाठीतून असे महत्त्वाचे निर्णय होऊ नयेत, असे त्यांचे म्हणणे आहे.

भुजबळ यांनी शरद पवार यांना आपला राजकीय नेता मानले, परंतु त्याचवेळी त्यांचा पक्ष आज वेगळा असल्याचेही नमूद केले. ते म्हणाले की, राजकारणात मतभेद असले तरी व्यक्तिगत संबंध जपले पाहिजेत. आपण आपल्या पक्षाच्या प्रमुख नेत्यांच्या आणि आमदारांच्या मताशी बांधील राहणार असून, त्यांच्या निर्णयासोबतच आपले मत असेल असे भुजबळ यांनी स्पष्ट केले.