Chhagan Bhujbal | समता परिषद आंदोलन हे ओबीसी आरक्षण बचाव आक्रोश आंदोलन : छगन भुजबळ
एकीकडे मराठा समाज आरक्षणासाठी रस्त्यावर उतरला आहे. अशातच ओबीसी समाजही आरक्षणासाठी आक्रमक होणार असून गुरुवारी समता परिषदेने 'ओबीसी आरक्षण बचाव आक्रोश मोर्चा'चं आयोजन केल्याची माहिती छगन भुजबळ यांनी दिली आहे.
आरक्षणाच्या मागणीसाठी मराठा समाजाने मूक मोर्चा काढल्यानंतर आता ओबीसी समाजही आरक्षणासाठी रस्त्यावर उतरणार आहे. बुधवारी कोल्हापूरात संभाजीराजेच्या नेतृत्त्वाखाली मुक मोर्चा काढण्यात आला . आता गुरुवारी समता परिषदेने ‘ओबीसी आरक्षण बचाव आक्रोश मोर्चा’चं आयोजन केलं आहे. समता परिषदेचे सर्वेसर्वा आणि राज्याचे अन्न व नागरी पुरवठा मंत्री छगन भुजबळ या मोर्चाचं नेतृत्व करणार आहेत. त्यामुळे या मोर्चाकडे सर्वांचं लक्ष लागलं आहे. अन्न व नागरी पुरवठा मंत्री छगन भुजबळ यांनी मीडियाशी संवाद साधताना उद्या गुरुवारी होणाऱ्या मोर्चाची माहिती दिली.
