chinchwad byelection : राहुल कलाटे यांचा मोठा दावा, दादा काही म्हणो विकासाची शिट्टी…

चिंचवड : चिंचवड मतदारसंघाच्या पोटनिवडणुकीचा प्रचार शिगेला पोहोचला आहे. एकेकाळी शिवसेनेत असणारे राहुल कलाटे यांनी अपक्ष उमेदवारी अर्ज भरल्यामुळे महाविकास आघाडीच्या नाना काटे यांच्यासमोर आव्हान निर्माण झाले आहे. प्रचारासाठी सर्वच पक्षाचे नेते चिंचवडमध्ये ठाण मांडून बसले आहेत. राष्ट्रवादीचे नेते अजित पवार यांनीही प्रचारादरम्यान राहुल कलाटे यांच्यावर टीका केली होती. त्याला कलाटे यांनी उत्तर देताना मतदानाला जनता येणार आहे, नेता नाही असा पलटवार केलाय. अजित पवार यांना काहीही म्हणू द्या जनता माझ्यासोबत आहे आणि विकासाची शिट्टी माझ्याबाजूने नक्कीच वाजणार, असा दावा त्यांनी केला आहे.