Ladki Bahin Yojana : …तोपर्यंत योजना बंद नाही, लाडकी बहीण योजनेवर CM फडणवीस यांचं मोठं वक्तव्य
मुख्यमंत्री देवेंद्र फडणवीस यांनी लाडकी बहीण योजना सुरूच राहणार असल्याची ग्वाही दिली आहे. निवडणुकीपूर्वी काही लोकांनी ही योजना बंद होणार असल्याचे म्हटले होते, परंतु ती अद्यापही सुरू आहे. फडणवीस म्हणाले की, जोपर्यंत ते मुख्यमंत्री आहेत, तोपर्यंत ही योजना कधीही बंद होणार नाही.
मुख्यमंत्री देवेंद्र फडणवीस यांनी लाडकी बहीण योजना बंद होणार असल्याच्या अफवांवर स्पष्टीकरण दिले. मी मुख्यमंत्री असेपर्यंत ही योजना बंद होणार नाही, अशी अमरावती येथील प्रचारसभेत बोलताना ग्वाही त्यांनी दिली. निवडणुकीपूर्वी काही लोक म्हणत होते की, या सरकारने घोषित केलेल्या योजना आता बंद केल्या जातील. परंतु, ही योजना एक वर्ष पूर्ण होऊनही सुरूच आहे आणि जोपर्यंत मी मुख्यमंत्री पदावर आहे, तोपर्यंत माझ्या बहिणींसाठी ही योजना कायम राहील, असे फडणवीस यांनी ठामपणे सांगितले. त्यांच्या या विधानाने या योजनेच्या लाभार्थ्यांना मोठा दिलासा मिळाला आहे.
Published on: Nov 25, 2025 05:43 PM
