New Delhi Metro | दिल्लीत हाय अलर्ट! CJP आंदोलनामुळे तब्बल 16 मेट्रो स्थानके बंद

दिल्लीतील CJP आंदोलनाच्या पार्श्वभूमीवर राजधानीतील सुरक्षा व्यवस्था कडक करण्यात आली असून, दिल्ली मेट्रो रेल कॉर्पोरेशन (DMRC) ने पुढील आदेश येईपर्यंत 16 मेट्रो स्थानके बंद ठेवण्याचा निर्णय घेतला आहे. आंदोलनामुळे मध्य दिल्ली आणि संसद परिसरातील वाहतूक व्यवस्थेवर मोठा परिणाम झाला आहे.

DMRC ने सोशल मीडियावर याबाबत माहिती देत सांगितले की, सुरक्षा कारणास्तव 16 मेट्रो स्थानकांवर प्रवाशांसाठी प्रवेश (Entry) आणि बाहेर पडण्याची (Exit) सुविधा तात्पुरती बंद करण्यात आली आहे. मात्र, प्रवाशांच्या सोयीसाठी राजीव चौक, मंडी हाऊस आणि केंद्रीय सचिवालय या तीन इंटरचेंज स्थानकांवर मेट्रो लाईन बदलण्याची सुविधा सुरू ठेवण्यात आली आहे.

बंद करण्यात आलेली 16 मेट्रो स्थानके:

* लोक कल्याण मार्ग
* राजीव चौक
* पटेल चौक
* रामकृष्ण आश्रम मार्ग
* बाराखंभा रोड
* सुप्रीम कोर्ट
* सेवा तीर्थ
* जनपथ
* मंडी हाऊस
* केंद्रीय सचिवालय
* आयटीओ (ITO)
* दिल्ली गेट
* इंद्रप्रस्थ
* खान मार्केट
* जोर बाग
* शिवाजी स्टेडियम

या स्थानकांवरून प्रवाशांना प्रवेश किंवा बाहेर पडता येणार नाही. मात्र, राजीव चौक, मंडी हाऊस आणि केंद्रीय सचिवालय या इंटरचेंज स्थानकांवर एका मेट्रो मार्गावरून दुसऱ्या मार्गावर जाण्याची सुविधा कायम ठेवण्यात आली आहे.

यापूर्वीही 20 आणि 21 जुलै रोजी CJP च्या संसद मोर्चाच्या पार्श्वभूमीवर DMRC ने काही मेट्रो स्थानके तात्पुरती बंद केली होती. परिस्थिती नियंत्रणात आल्यानंतर सेवा पूर्ववत करण्यात आली होती. सध्याच्या आंदोलनाच्या पार्श्वभूमीवर पुन्हा एकदा सुरक्षा उपाययोजना वाढवण्यात आल्या असून, पुढील आदेशानुसार मेट्रो सेवा सुरू किंवा बंद ठेवण्याचा निर्णय घेतला जाणार आहे.