संजय राठोड आणि अब्दुल सत्तार यांना मंत्रिपद देण्यास भाजपचा विरोध होता, अशी माहिती सूत्रांकडून मिळतेय. दिपक केसरकर यांनाही मंत्रिपद देण्यास भाजपचा विरोध होता, अशी माहिती समोर येत आहे. भाजपचा विरोध डावलून राठोड आणि सत्तार यांना शिंदेंनी मंत्रिपदं दिली अशी माहिती सूत्रांकडून कळतेय. आमची यादी आम्हाला ठरवू द्या, शिंदेंनी भाजपला ठणकावल्याचीही माहिती मिळतेय. मंत्रिमंडळ विस्तारात संधी न मिळाल्याने शिंदे गटातील अनेक आमदार नाराज झाले असून धुसफूस सुरू झाली आहे. मी दिलेला शब्द पाळणार आहे, थोडं सबुरीनं घ्या, असं आवाहन करत नाराजांना शांत करण्याची कसरत मुख्यमंत्री एकनाथ शिंदे यांना करावी लागली.