Election Commission : मतभेद समोर आल्यानंतर पहिल्यांदाच मुख्य निवडणूक आयुक्तांची बैठक, काय महत्वाचे निर्णय घेतले?

मतभेद समोर आल्यानंतर मुख्य निवडणूक आयुक्तांची पहिली बैठक नुकतीच पार पडली. या बैठकीत SIR (संक्षिप्त पुनरावृत्ती) संदर्भात काही महत्वाचे निर्णय घेण्यात आले. गेल्या काही दिवसांपासून निवडणूक आयोगावर काही आरोप होत होते. या आरोपांनंतरची ही पहिलीच बैठक असल्याने याकडे सर्वांचे लक्ष लागले होते.
या बैठकीत मुख्य निवडणूक आयुक्त ज्ञानेश कुमार, विवेक जोशी आणि एस.एस. संधू उपस्थित होते. बैठकीनंतर निवडणूक आयोगाकडून एक प्रेस नोट जारी करण्यात आली. यात आयोगावरील आरोपांबाबत स्पष्टीकरण देण्यात आले. कॅबिनेट सचिवांना पाठवलेले पत्र धोरणात्मक नव्हते, असे आयोगाने म्हटले आहे. तसेच, आयटी विभागाच्या तक्रारी आणि SIR संबंधीच्या निर्णयांवरही स्पष्टीकरण दिले. गोव्यामध्ये फॉर्म सहा भरल्यानंतर वगळण्यात आलेल्या ९७ नावांपैकी ८१ नावे पुन्हा समाविष्ट करण्यात आल्याची माहितीही देण्यात आली. संपूर्ण देशभरात सुरु असलेल्या SIR प्रक्रियेत महाराष्ट्र आणि दिल्लीमधील दावे आणि हरकतींसाठी मुदतवाढ देण्यात आली आहे. महाराष्ट्रासाठी १२ ऑक्टोबरपर्यंत तर दिल्लीसाठी ३० ऑक्टोबरपर्यंत मुदतवाढ दिली आहे.