VIDEO : Fast News | 12.30 PM | महत्वाच्या बातम्या | 30 March 2022

भाजपचे नेते आणि खासदार वरुण गांधी यांनी शिवसेना नेते संजय राऊत यांची भेट घेतल्याने राजकीय वर्तुळात खळबळ उडाली आहे. संजय राऊत यांनीही ही भेट झाल्याचं सांगतानाच या भेटीत राजकीय चर्चा झाल्याचं सांगून राजकीय हवाबाजीला हवा दिली आहे. वरुण गांधी हे नक्कीच ते माझ्याकडे आले होते. बरेच दिवस भेटीसंदर्भात वेळ मागे पुढे होत होती. ते एका राजकीय पक्षाचे नेते असले, खासदार असले आणि गांधी कुटुंबाशी संबंधित असले तरी ती सदिच्छा भेट होती. कोणत्याही भेटीत राजकीय विषय निघत असतात. तसा या भेटीतही निघाला. पण ही भेट सदिच्छा भेटच होती, असं राऊत यांनी स्पष्ट केलं. तसेच या पुढेही आम्ही एकमेकांना भेटणार असल्याचंही राऊत यांनी सांगितलं.