सोन्याने पुन्हा घेतली भरारी, चांदीनेही भाव खाल्ला, पाहा किती दरवाढ

जळगावच्या सराफ बाजारात सोन्या आणि चांदीच्या दरात मोठी वाढ झाली आहे. सोन्याच्या दरात तब्बल 2 हजार 600 रुपयांची तर चांदीच्या दरात 3 हजार रूपयांची वाढ झाली आहे. आता या दरवाढीमुळे सोन्याचा दर हा आता जीएसटीसह 1 लाख 50 हजार 380 रुपये प्रति तोळा इतका झाला आहे. तर चांदीचा दर एका किलोमागे जीएसटीसह 2 लाख 39 हजार 990 रुपये इतका झाला आहे. महिनाभरापासून प्रचंड घसरण होत असलेल्या सोन्या आणि चांदीच्या दरात गेल्या सहा दिवसात मोठी वाढ झाली आहे. अवघ्या सहा दिवसात सोन्याच्या दरात तब्बल 11 हजार 500 रुपयांची वाढ झाली असून सोन्याने पुन्हा दीड लाखांचा आकडा गाठला आहे. चांदीच्या दरात देखील सहा दिवसात तब्बल 20 हजार रुपयांची वाढ झाली आहे. अनेक दिवसांपासून सतत घसरण होत असलेल्या सोन्या-चांदीच्या दरात वाढ होत असल्यामुळे चिंतेत असलेल्या गुंतवणूकदारांना दिलासा मिळाला आहे. पुढच्या काळात सोने आणि चांदीच्या दरात आणखी भाव वाढू होऊ शकते. यामुळे सराफ बाजारात सोने चांदी खरेदी करण्यासाठी ग्राहकांची गर्दी वाढली आहे