Gunaratna Sadavarte : सदावर्तेंच्या वाहनावर हल्ला, कारच्या काचेवर मराठा आंदोलकांनी हात मारले अन्.. जालन्यात नेमकं काय घडलं?
जालन्यात वकील गुणरत्न सदावर्ते यांच्या वाहनावर मराठा आंदोलकांनी हल्ला केल्याची घटना घडली आहे. धनगर समाजाच्या उपोषणाला भेट देण्यासाठी जाताना त्यांच्या वाहनावर हा हल्ला झाला. हल्लेखोरांनी "एक मराठा लाख मराठा" अशा घोषणा दिल्या. पोलिसांनी काही आंदोलकांना ताब्यात घेतले आहे.
जालना जिल्ह्यात वकील गुणरत्न सदावर्ते यांच्या वाहनावर हल्ल्याचा प्रयत्न झाल्याची घटना घडली आहे. गुणरत्न सदावर्ते हे धनगर समाजाचे दीपक बोराडे यांच्या उपोषण स्थळी भेट देण्यासाठी जात असताना हा हल्ला झाला. हल्ला करणाऱ्या मराठा आंदोलकांनी “एक मराठा लाख मराठा” अशा घोषणा दिल्या. आंदोलकांनी वाहनाच्या काचेवर हात मारला, ज्यामुळे वाहन खड्ड्यात अडकले आणि त्याचा खालचा भाग तुटला. पोलिसांनी काही आंदोलकांना ताब्यात घेतले. नंतर सदावर्ते यांनी बोराडे यांची भेट घेतली. या घटनेवर उपमुख्यमंत्री अजित पवार यांनी तीव्र निषेध व्यक्त केला आहे. सदावर्ते यांनी या घटनेत जरांगेंना जबाबदार धरले आहे.
Published on: Sep 22, 2025 11:20 AM
