गर्जना मोर्चा ही फक्त झलक; सत्ताधाऱ्यांना जनतेचा रोष कळला नाही… बड्या नेत्याचं विधान चर्चेत
ठाकरे बंधूंनी काढलेला गर्जना मोर्चा ही केवळ एक झलक असून, जनतेच्या मनातील मतांच्या चोरीविरोधातील तीव्र नाराजी यामुळे दिल्लीपर्यंत पोहोचेल. ज्ञानेश कुमार यांच्याविरोधातील हा तिसरा मोर्चा असून, महाराष्ट्रातील जनतेचा ठाकरेंवरील विश्वास अजूनही कायम असल्याचे यात दिसून येते. जनतेच्या हक्कावर गदा आणली जात असल्याचा आरोप या मोर्चातून करण्यात आला.
मुंबई येथे काढण्यात आलेला गर्जना मोर्चा हा जनतेच्या मनातील तीव्र नाराजीची केवळ एक झलक असल्याचे शिवसेनेचे प्रवक्ते हर्षल प्रधान यांनी म्हटले आहे. लोकांच्या मतांवर गदा आणली गेली असून, सामान्य माणसाचा हक्क डावलण्यात आल्याचा आरोप त्यांनी केला. १३ कोटी मतदार गायब करण्यात आल्यामुळे मनमानी कारभार सुरू असल्याचा मुद्दाही त्यांनी उपस्थित केला. त्यामुळे ज्ञानेश कुमार यांना त्यांच्या पदावरून हटवावे, अशी मागणी या मोर्चाद्वारे करण्यात आली. हा मोर्चा केवळ ज्ञानेश कुमार यांच्याविरोधात नसून, त्यांच्यामागे असलेल्या सर्वांना जावे लागेल, असे प्रधान म्हणाले.
देशाने ज्यांना सर्वोच्च पदावर बसवले, त्यांनीच विश्वासघात केल्याची भावना लोकांमध्ये आहे. ठाकरे बंधूंनी काढलेला हा तिसरा मोर्चा असून, महाराष्ट्रातील मराठी आणि हिंदू माणसाचा मुख्य आधार ठाकरेच आहेत, असे त्यांनी नमूद केले. दोन्ही ठाकरे बंधूंनी एकत्रितपणे राज्याचे आणि देशाचे नेतृत्व करावे, अशी जनतेची भावना असल्याचेही त्यांनी सांगितले. सत्ताधाऱ्यांवर कोणताही अंकुश राहिला नसून, त्यांना आपण काय करतोय याचे भान नाही, असेही मत प्रधान यांनी व्यक्त केले.
