Kolkata To Chennai Flight | चेन्नईला जाणाऱ्या इंडिगो विमानाच्या इंजिनमध्ये बिघाड; विमानाचं तातडीने लँडिंग, चेन्नई विमानतळावर आपत्काल जाहीर

कोलकाताहून चेन्नईला जाणाऱ्या इंडिगोच्या विमानाच्या इंजिनमध्ये अचानक बिघाड झाल्याची माहिती समोर आली आहे. इंजिनमध्ये तांत्रिक बिघाड झाल्यानंतर विमानाच्या सुरक्षिततेच्या दृष्टीने चेन्नई विमानतळावर तातडीने लँडिंग करण्यात आले.

विमानात तांत्रिक समस्या निर्माण झाल्याची माहिती मिळताच चेन्नई विमानतळ प्रशासनाने तातडीने खबरदारीच्या उपाययोजना सुरू केल्या. विमानाच्या आपत्कालीन लँडिंगच्या पार्श्वभूमीवर चेन्नई विमानतळावर पूर्णपणे आपत्काल जाहीर करण्यात आला होता.

विमान सुरक्षितपणे लँड झाल्यानंतर विमानतळावरील संबंधित यंत्रणा आणि आपत्कालीन पथके सज्ज ठेवण्यात आली होती. प्रवाशांच्या सुरक्षिततेला प्राधान्य देत विमानाची तपासणी आणि पुढील कार्यवाही करण्यात येत आहे.

दरम्यान, विमानाच्या इंजिनमध्ये नेमका कोणता बिघाड झाला आणि विमानातील सर्व प्रवाशांची सद्यस्थिती काय आहे, याबाबत अधिकृत माहितीची प्रतीक्षा आहे.