Girish Mahajan | रेश्मा काळे नॉट रिचेबल नाहीत; उद्याच माघार घेणार? गिरीश महाजनांचा मोठा दावा काय?

जळगावमधील विधान परिषद निवडणुकीच्या पार्श्वभूमीवर महायुतीतील बंडखोर उमेदवार रेश्मा काळे यांच्याबाबत सुरू असलेल्या चर्चांवर मंत्री गिरीश महाजन यांनी प्रतिक्रिया दिली आहे. रेश्मा काळे या ‘नॉट रिचेबल’ नसून त्या सध्या प्रचारात सक्रिय असल्याचे महाजन यांनी स्पष्ट केले.

माध्यमांशी संवाद साधताना गिरीश महाजन म्हणाले की, रेश्मा काळे यांच्याशी सातत्याने संपर्क असून त्या निवडणूक प्रचारात सहभागी होत आहेत. त्याचबरोबर त्या उद्या आपली उमेदवारी मागे घेतील, असा विश्वासही त्यांनी व्यक्त केला.

यावेळी महाजन यांनी आणखी एक मोठा दावा करत महाविकास आघाडीतील काही उमेदवार आणि अपक्ष उमेदवार देखील महायुतीच्या संपर्कात असल्याचे सांगितले. निवडणुकीच्या पार्श्वभूमीवर विविध राजकीय घडामोडी सुरू असून आगामी काळात आणखी काही महत्त्वाचे निर्णय समोर येऊ शकतात, असे संकेत त्यांनी दिले.

दरम्यान, रेश्मा काळे यांच्या संभाव्य माघारीच्या चर्चेमुळे जळगावमधील राजकीय समीकरणांकडे सर्वांचे लक्ष लागले असून, विधान परिषद निवडणुकीत कोणते नवे राजकीय घडामोडी घडतात याबाबत उत्सुकता वाढली आहे.