Kochi News : धक्कादायक! .. म्हणून कर्मचाऱ्याला ऑफिसमध्ये कुत्रा बनवून फिरवलं

कार्यालयात देण्यात आलेलं टार्गेट पूर्ण न केल्यामुळे कर्मचाऱ्याचा चक्क कुत्रा केल्याची धक्कादायक घटना घडली आहे. केरळच्या कोचीमध्ये हा प्रकार घडला आहे. या संपूर्ण घटनेचा व्हिडीओ सध्या सोशल मिडियावर व्हायरल होतो आहे.

ऑफिसमध्ये दिलेलं टार्गेट कर्मचाऱ्याने पूर्ण केलं नाही म्हणून त्याला शिक्षा देण्यात आली आहे. या कर्मचाऱ्याच्या गळ्यात चक्क पट्टा बांधून त्याला कुत्रा बनवण्यात आलं आहे. तसंच याच अवस्थेत पूर्ण ऑफिसमध्ये फिरवण्यात देखील आलं आहे. अतिशय धक्कादायक आणि संतापजनक या प्रकाराच्या चौकशीचे आदेश आता राज्य कामगार विभागाने दिले आहे.