MLC Election 2026 Result Updates : शिक्षक-पदवीधर मतदारसंघांमधील मतमोजणी प्रक्रियेवरून भाजप नेत्याचं मोठं विधान, थेट म्हणाले…

भाजप नेते केशव उपाध्ये यांनी विरोधकांवर पलटवार करत शिक्षक आणि पदवीधर मतदारसंघातील निवडणुकांवर भाष्य केले आहे. उपाध्ये यांच्या मते, विरोधकांच्या आवडत्या मतपत्रिकांवर मतदान झाले आहे, त्यामुळे आता त्यांना ईव्हीएम किंवा मतचोरीच्या आरोपांसाठी जागा राहणार नाही. आज दुपारनंतर पदवीधर आणि शिक्षक मतदारसंघाचे निकाल जाहीर होतील. या जागांवर सध्या विरोधकांचे आमदार आहेत, तर भारतीय जनता पक्ष तीन जागांवर निवडणूक लढवत आहे.

विरोधकांना आता नेमके कशावर रडायचे कारण सापडणार, असा सवाल उपाध्ये यांनी केला आहे. मतपत्रिकांवर झालेल्या या निवडणुकीमुळे विरोधकांच्या नेहमीच्या आरोपांना उत्तर मिळेल, असेही उपाध्ये यांनी नमूद केले.