शेतकरी कर्जमाफीबाबत निर्णय कधी? दत्तात्रय भरणेंनी तारीख सांगितली

दत्तात्रय भरणे यांनी नुकतीच माहिती दिली आहे की, महाराष्ट्र सरकार 30 जूनपूर्वी शेतकरी कर्जमाफीबाबत महत्त्वाचा निर्णय जाहीर करणार आहे. प्रवीण परदेशी यांच्या अध्यक्षतेखाली एका समितीची स्थापना करण्यात आली असून, ही समिती शेतकऱ्यांवरील थकबाकी, त्याचा प्रकार आणि एकूण रक्कम याबाबत माहिती गोळा करत आहे. या समितीचा अहवाल एप्रिल महिन्याच्या पहिल्या आठवड्यात अपेक्षित आहे.

अहवाल प्राप्त झाल्यानंतर राज्याचे मुख्यमंत्री आणि दोन्ही उपमुख्यमंत्री शेतकरी कर्जमाफीच्या बाबतीमध्ये अंतिम निर्णय घेतील. शेती सहकारी संस्थांचे वर्षअखेर 30 जून रोजी असते, त्यापूर्वी हा निर्णय जाहीर केला जाईल, अशी अपेक्षा भरणे यांनी व्यक्त केली. मंत्री शेतकरी बांधवांच्या रोजच्या समस्यांशी जोडलेले असतात आणि शेतकऱ्यांच्या हितासाठीच काम करत असल्याचे त्यांनी नमूद केले.