Duplicate Voter List : ‘पप्पू’वरून पेटलं, उद्धव ठाकरे पप्पू के पापा… ठाकरेंच्या त्या वक्तव्यावर भाजपचं उत्तर

महाराष्ट्र सदोष मतदार यादीच्या मुद्द्यावरून राजकीय आरोपांनी तापला आहे. भाजपने मतदार यादीतील दुबार मतदारांवर प्रश्नचिन्ह उपस्थित केले आहे. या पार्श्वभूमीवर, आशिष शेलार यांनी उद्धव ठाकरेंना लक्ष्य करत, त्यांना केवळ हिंदू आणि मराठी दुबार मतदार दिसतात, मुस्लिम दुबार मतदार का दिसत नाहीत, असा सवाल केला. शेलार यांनी पत्रकार परिषदेत मुस्लिम दुबार मतदारांची आकडेवारी देखील सादर केली. यावर उद्धव ठाकरे यांनी शेलार यांचे आभार मानले आणि भाजपला महाविकास आघाडीसोबत न्यायालयात येण्याचे जाहीर आव्हान दिले.

ठाकरेंनी यानंतर शेलारांच्या पत्रकार परिषदेवर हल्लाबोल करत, शेलार यांनी नकळतपणे देवेंद्र फडणवीसांना पप्पू ठरवल्याचे वक्तव्य केले. फडणवीसांनी यापूर्वी आदित्य ठाकरेंना पप्पू म्हणू नये, असा सल्ला दिला होता. शेलार यांच्या या वक्तव्यामुळे फडणवीस महाराष्ट्राचे पप्पू ठरले, असे ठाकरे म्हणाले. या वादात मनसेनेही उडी घेतली असून, त्यांनी निवडणूक आयोगावर प्रश्नचिन्ह उपस्थित केले आहे.