प्रकृतीचं कारण देत सलिल देशमुखांचा पवारांच्या राष्ट्रवादीला रामराम

सलील देशमुख यांनी राष्ट्रवादी काँग्रेस पक्ष शरद पवार गटाच्या सदस्यत्वाचा राजीनामा दिला आहे. त्यांनी प्रकृतीच्या कारणास्तव हा निर्णय घेतल्याचे सांगितले आहे. देशमुख गेल्या चार-पाच महिन्यांपासून अस्वस्थ प्रकृतीमुळे पक्षाच्या कामातून काही काळ दूर होते. त्यांनी राष्ट्रवादी काँग्रेसने त्यांना मानसन्मान दिला असून, पक्षाने खूप काही दिल्याचे म्हटले आहे. मात्र सध्या प्रकृतीवर लक्ष केंद्रित करून काही काळानंतर लोकसेवेत पुन्हा सक्रिय होण्याचा त्यांचा मानस आहे. पक्ष संघटनेत कोणतेही पद नसून केवळ सदस्यत्वाचा राजीनामा दिल्याचेही त्यांनी स्पष्ट केले. हा राजीनामा त्यांच्या आरोग्यासाठी विश्रांती घेण्याच्या उद्देशाने घेण्यात आल्याचे देशमुख यांनी नमूद केले आहे.