साडीचोळी घेऊन अमृता ताईंकडे जेवायला जाणार, मात्र… मनोज जरांगेंच्या या वक्तव्याने वेधलं लक्ष

मराठा आरक्षणासाठी उपोषण आणि आंदोलन सुरू असलेले मनोज जरांगे पाटील यांनी अमृता फडणवीस यांच्या भेटीच्या निमंत्रणावर आपली भूमिका स्पष्ट केली आहे. त्यांनी म्हटले आहे की, सध्या आंदोलन सुरू असल्याने जेवण्यासाठी जाणे योग्य नाही. मात्र, भाऊ संकटात असताना बहिणीने जेवायला बोलवू नये, असे सांगत त्यांनी भाऊबीजेच्या मुहूर्तावर साडी-चोळी घेऊन भेटायला जाण्याची तयारी दर्शवली. यावेळी बोलताना, जरांगे पाटील यांनी मराठा समाजाला ५८ लाख नोंदी सापडल्या असून, त्या आधारावर प्रमाणपत्र देण्यासाठी शिबिरे आयोजित केली जात असल्याचे नमूद केले.

मुंबईला मोर्चा काढण्याचे जवळपास निश्चित झाले असून, १२ तारखेला पुढील आंदोलनाची तारीख जाहीर करणार असल्याचे त्यांनी सांगितले. सत्ता ही भाड्याचं घर असून समाज परमनंट आहे, या भूमिकेवर ते ठाम असल्याचे त्यांनी पुन्हा एकदा स्पष्ट केले. समाजाच्या भल्यासाठी कोणाचीही वाट न पाहता आपण लढत राहणार, असेही त्यांनी नमूद केले.