Manoj Jarange : मनोज जरांगेंच्या ऑडिओ क्लिपची अखेर चौकशी सुरू; विशेष समितीचं पत्र, जरांगे पुरावे देणार

मराठा आरक्षणासाठी आंदोलनाचे नेतृत्व करणारे मनोज जरांगे पाटील यांनी पत्रकार परिषदेत समोर आणलेल्या एका ऑडिओ क्लिपची आता औपचारिक चौकशी सुरू झाली आहे. या प्रकरणाची गंभीरता लक्षात घेता, एका विशेष चौकशी समितीची स्थापना करण्यात आली असून, समितीने थेट मनोज जरांगे यांना पत्र पाठवून या ऑडिओ क्लिपची मागणी केली आहे.

चौकशी समितीने पाठवलेले हे पत्र आपल्या कार्यकर्त्यांकडे आले असून, आपण सध्या व्यस्त कार्यक्रमांमुळे ते वाचू शकलो नसल्याचे जरांगे पाटील यांनी म्हटले आहे. नांदेडसह इतर ठिकाणी कार्यक्रमांमध्ये उपस्थित असल्याने त्यांना वैयक्तिकरित्या पत्राची दखल घेता आली नाही, असे त्यांनी स्पष्ट केले. मात्र, या चौकशीला आपले पूर्ण सहकार्य राहील, असे त्यांनी ठामपणे सांगितले आहे. चौकशी समितीला जे काही पुरावे किंवा माहिती उपलब्ध करून देणे आवश्यक आहे, ते सर्व आपण पुरवण्यासाठी तयार असल्याचे जरांगे पाटील यांनी म्हटले आहे. या घटनेमुळे राजकीय वर्तुळात चर्चांना उधाण आले आहे.