मनोज जरांगेंची पोलीस सुरक्षा काढा! थेट सहकाऱ्यानेच केला पोलिसात अर्ज

मनोज जरांगे पाटील यांचे सहकारी किशोर मरकड यांनी जालना येथील पोलीस अधीक्षक कार्यालयात मनोज जरांगे पाटील यांची पोलीस सुरक्षा काढण्याबाबत अर्ज दिला आहे. जरांगे पाटील यांनी स्वतः आपली पोलीस सुरक्षा नको अशी भूमिका यापूर्वीच स्पष्ट केली होती. हत्येचा कट रचल्याच्या प्रकरणाचा तपास थंडावला असल्याचा जरांगे पाटील यांना संशय आहे. त्यामुळे त्यांनी शासनावर टीका करत पोलीस सुरक्षेची आवश्यकता नसल्याचे म्हटले आहे. माध्यमांसमोर त्यांनी आपली सुरक्षा हटवण्याची किंवा आपल्याला सुरक्षा नको असल्याची भूमिका मांडली होती. त्यानुसार, आज पोलीस अधीक्षकांना सुरक्षा हटवण्या संदर्भात निवेदन देण्यात आले आहे.