पुण्यातील कसबा विधानसभा मतदारसंघाच्या पोटनिवडणुकीत भाजपने हेमंत रासने यांना उमेदवारी दिली आहे. त्यावर मुक्ता टिळक यांचे पुत्र कुणाल टिळक यांनी खंत व्यक्त केली आहे. आज मनात थोडी खंत आहे. आईने जे आजारपणात पक्षनिष्ठा दाखवली होती. ती राज्यासाठी आणि देशासाठी आदर्श होती. पण आज आमच्या कुटुंबातील नव्हे तर बाहेरच्या व्यक्तीला उमेदवारी देण्यात आली आहे. जशी राजकीय महत्वाकांक्षा असते तशी ती लोकप्रतिनिधी म्हणून मलाही आहे. उमेदवारी मिळाली नाही म्हणून नाराज होणार नाही. तर पक्षाचं काम आम्ही करत राहू. टिळक कुटुंबात कोणतीही नाराजी नाही, असं कुणाल टिळक म्हणालेत.