मुंबई : अंगणवाडी सेविकांचे शिष्ठमंडळ मुख्यमंत्री एकनाथ शिंदे भेट घेतली. अंगणवाडी सेविकांच्या प्रलंबित मागण्यासाठी केलेल्या निदर्शनांची मुख्यमंत्र्यांनी दखल घेतली. अंगणवाडी कर्मचाऱ्यांच्या मानधनात भरीव वाढ करून देत इतर राज्यातील अंगणवाडी सेविकाप्रमाणे मानधन द्यावे. अंगणवाडी कर्मचार्यांना शासकिय दर्जा मिळावा. सेवा निवृत्तीनंतर अर्ध्या मानधनाएवढी पेन्शन मिळावी. अंगणवाडी कर्मचारी सेविकांना नवीन मोबाइल व मराठी अॅप मिळावेत. बालकांना 8 रुपयाचा प्रतिदिन पुरक पोषण आहार दिला जातो ती रक्कम दुप्पटीने वाढवून द्यावी, या मागण्या या बैठकीत मांडण्यात आल्या. या बैठकीला मंत्री मंगलप्रभात लोढा आणि अंगणवाडी सेविकांचे शिष्ठमंडळ उपस्थित आहे.