Language Dispute : हिंदी-मराठी वाद…लोकलमध्ये मारहाण अन् कल्याणच्या अर्णव खैरेचं टोकाचं पाऊल, भाजपचा ठाकरेंवर निशाणा
मुंबईत हिंदी-मराठी भाषेच्या वादातून १९ वर्षीय अर्णव खैरेने आत्महत्या केली आहे. लोकलमध्ये हिंदी बोलल्याने त्याला मारहाण करण्यात आली होती. या घटनेमुळे मुंबईत राजकीय वातावरण तापले असून, भाजपने ठाकरे बंधूंना जबाबदार धरले आहे. मनसेने अर्णवच्या कुटुंबीयांना न्याय मिळवून देण्याचे आश्वासन दिले असून, आगामी महापालिका निवडणुकांच्या पार्श्वभूमीवर या घटनेचे राजकीय पडसाद उमटण्याची चिन्हे आहेत.
मुंबईत हिंदी-मराठी भाषेच्या वादातून एका १९ वर्षीय तरुणाने आत्महत्या केल्याची धक्कादायक घटना घडली आहे. कल्याण येथील अर्णव खैरे मंगळवारी लोकलने मुलुंडला जात असताना ही घटना घडली. लोकलमध्ये गर्दी असल्याने अर्णवने प्रवाशांना हिंदीत आगे सरको असे म्हटले. यावरून चौघांनी त्याला “मराठी बोलायला लाज वाटते का?” असे म्हणत मारहाण केली. या अपमानामुळे अर्णवने आत्महत्येसारखे टोकाचे पाऊल उचलले. या घटनेमुळे राजकीय वर्तुळात खळबळ उडाली आहे.
भाजपने या घटनेला ठाकरे बंधूंनी पसरवलेल्या भाषावादाचे परिणाम म्हटले आहे. मनसेने अर्णवच्या कुटुंबीयांना पाठिंबा दर्शवत न्याय मिळवून देण्याची मागणी केली आहे, तर कायदा आणि सुव्यवस्थेवरही प्रश्नचिन्ह निर्माण झाले आहे. आगामी महापालिका निवडणुका लक्षात घेता, या घटनेमुळे मुंबईतील राजकीय वातावरण तापण्याची शक्यता आहे.
Published on: Nov 21, 2025 09:38 PM
