Thane Metro Line 4 : ठाण्यात मेट्रो 4 ची यशस्वी ट्रायल रन, शिंदे-फडणवीसांची उपस्थिती, कुठं-कुठं थांबणार मेट्रो?

ठाण्यात मेट्रो लाईन ४ ची पहिली ट्रायल रन मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्या उपस्थितीत पार पडली. गायमुख ते विजय गार्डन या ४ किलोमीटरच्या मार्गावर ही ट्रायल रन घेण्यात आली. या प्रकल्पाचा पहिला टप्पा २०२५ पर्यंत पूर्ण होईल, ज्यामध्ये गायमुख ते कॅडबरी दरम्यान १० स्थानके समाविष्ट आहेत. दुसरा टप्पा २०२७ पर्यंत पूर्ण होईल आणि तो कॅडबरी ते गांधीनगर आणि गांधीनगर ते वडाळा असा ३२ स्थानकांचा असेल. मुंबई आणि मीरा-भाईंदरशी कनेक्शन देणारा हा ५८ किलोमीटरचा मेट्रो मार्ग ठाण्यातील वाढत्या वाहतूक कोंडीचे निराकरण करण्यास मदत करेल असे मानले जात आहे. मेट्रो प्रकल्प ४ आणि ४ए यांचे काम सुरू आहे आणि २०२७ पर्यंत पूर्ण होण्याची अपेक्षा आहे.