Sanjay Raut | नांदेडचा विकास तुमसे ना हो पायेगा’, ठाकरे गटाच्या अजब आंदोलनाची तुफान चर्चा

नांदेडमध्ये ठाकरे गटाने “नांदेडचा विकास तुमसे ना हो पायेगा” अशा घोषणा देत तीव्र आंदोलन केले. जिल्हाधिकारी कार्यालयासमोर सुरू असलेल्या या आंदोलनाचे नेतृत्व खासदार संजय राऊत आणि अंबादास दानवे यांनी केले. शहरातील रस्ते, पाणी, वीज आणि शेतकऱ्यांचे प्रश्न यांसारख्या विविध नागरी समस्यांवरून ठाकरे गटाने सरकारविरोधात आवाज उठवला. आंदोलनादरम्यान, कार्यकर्त्यांनी सरकारविरोधात जोरदार घोषणाबाजी केली.

संजय राऊत आणि अंबादास दानवे यांनी स्वतः उपस्थित राहून आंदोलकांना संबोधित केले. हे आंदोलन केवळ नांदेडपुरते मर्यादित नसून, १ सप्टेंबरपासून सुरू झालेल्या मराठवाडा स्तरीय जनआंदोलनाचा भाग आहे. या माध्यमातून मराठवाड्यातील प्रलंबित विकासकामे आणि रखडलेल्या योजनांकडे शासनाचे लक्ष वेधण्याचा प्रयत्न केला जात आहे. ठाकरे गटाने सरकारवर अडीच वर्षांत केवळ घोषणाबाजी केल्याचा आणि प्रत्यक्षात विकासकामे पूर्ण न केल्याचा आरोप केला आहे.