ऐकावं ते नवलंच! रेल्वेचा AC कोच बनला हनिमून सूट; व्हिडिओ व्हायरल
रेल्वेच्या एसी डब्यात नवविवाहित जोडप्यासाठी कथितरित्या हनिमूनसाठी सजावट करण्यात आल्याचा धक्कादायक प्रकार समोर आला आहे. या घटनेचा व्हिडिओ सोशल मीडियावर व्हायरल झाल्यानंतर रेल्वे प्रशासनाने तातडीने दखल घेत चौकशीचे आदेश दिले आहेत.
रेल्वेच्या एसी डब्यात नवविवाहित जोडप्यासाठी कथितरित्या हनिमूनसाठी सजावट करण्यात आल्याचा धक्कादायक प्रकार समोर आला आहे. या घटनेचा व्हिडिओ सोशल मीडियावर व्हायरल झाल्यानंतर रेल्वे प्रशासनाने तातडीने दखल घेत चौकशीचे आदेश दिले आहेत.
मिळालेल्या माहितीनुसार, नंदीग्राम एक्सप्रेसच्या एसी कोचमध्ये नवविवाहित दाम्पत्याच्या स्वागतासाठी फुले आणि सजावटीची विशेष व्यवस्था करण्यात आली होती. सार्वजनिक रेल्वे डब्यात अशा प्रकारची सजावट केल्याचा व्हिडिओ समोर आल्यानंतर विविध स्तरांतून प्रश्न उपस्थित केले जात आहेत.
या प्रकरणाची गंभीर दखल घेत रेल्वे प्रशासनाने ऑन-ड्युटी मुख्य तिकीट निरीक्षकाला (Chief Ticket Inspector) निलंबित केले आहे. तसेच रेल्वे सुरक्षा नियम आणि शासकीय प्रक्रियेचे उल्लंघन झाले का, याची सखोल चौकशी सुरू करण्यात आली आहे.
दरम्यान, या सजावटीसाठी अधिकृत परवानगी होती का, त्यामागे नेमके कोण जबाबदार आहे आणि रेल्वेच्या नियमांचे उल्लंघन झाले आहे का, याचा तपास रेल्वे प्रशासनाकडून केला जात असून, चौकशी अहवालानंतर पुढील कारवाई केली जाणार असल्याची माहिती समोर आली आहे.
