Pahalgam Attack : भारतात बंदी असलेल्या ‘या’ फोनचा दहशतवाद्यांकडून वापर? NIA च्या तपासातून मोठी माहिती उघड

पहलगाम येथील बैसरन व्हॅली मध्ये झालेल्या भ्याड दहशतवादी हल्ल्यानंतर तपास सुरू करण्यात आला असून या तपासांतर्गत एक-एक माहिती समोर येत आहेत. अशातच पहलगाम येथील हल्ल्याच्या वेळी दहशतवाद्यांनी चिनी बनावटीचा सॅटेलाईट फोन वापरला होता, अशी मोठी माहिती सूत्रांकडून मिळाली आहे. दहशतवाद्यांनी चिनी बनावटीचा सॅटेलाईट फोन वापरल्याची माहिती एनआयएच्या तपासातून उघड झाल्याची माहिती सूत्रांकडून मिळतेय. दहशतवाद्यांनी वापरलेला चिनी बनावटीचा सॅटेलाईट फोन हा Huawei या कंपनीचा होता. हा सॅटेलाईट फोन ट्रॅक झाल्याची सूत्रांकडून मिळत आहे. तर भारतात Huawei कंपनीच्या चिनी बनावटीचा सॅटेलाईट फोन वापरण्यास बंदी आहे. दरम्यान, पाकिस्तान मधूनच या फोनची भारतात तस्करी झाल्याचा एनआयएला संशय असल्याचे सांगितले जात आहे.