बा देवा महाराजा! रो रो सेवा सुरू होण्याआधी नितेश राणेंचं गाऱ्हाणं

मुंबई ते कोकण दरम्यान सुरू होणाऱ्या पहिल्या रो-रो (Ro-Ro) बोट सेवेच्या शुभारंभापूर्वी, आमदार आणि मंत्री नितेश राणे यांनी देवांना साकडे घातले आहे. भाऊचा धक्का ते विजयदुर्ग, कोकण या मार्गावर सुरू होणाऱ्या या महत्त्वाकांक्षी सेवेच्या यशासाठी आणि सुरक्षित प्रवासासाठी त्यांनी मालवणी भाषेत गाराणं घातले. महादेव, गणपती यांसह विविध स्थानिक देव-देवता आणि संतांची आठवण करून, राणे यांनी सर्वांकडून आशीर्वाद मागितले. मुंबईहून कोकणात जलवाहतूक सुरू करण्याचे हे आपले स्वप्न महाराष्ट्राचे मुख्यमंत्री, ज्यांचा भाषणात देवाभाऊ साहेब असा उल्लेख करण्यात आला, यांच्या सहकार्याने पूर्ण झाल्याचे त्यांनी नमूद केले. प्रवाशांचे रक्षण व्हावे, कोणत्याही प्रकारची बाधा येऊ नये आणि कोकणाचा अधिक विकास व्हावा, यासाठी त्यांनी देवांचा आशीर्वाद मागितला. तसेच, आपल्या वडिलांच्या, नारायण राणे यांच्या उत्तम आरोग्यासाठीही त्यांनी देवाला विनंती केली. या सेवेमुळे कोकण आणि मुंबई दरम्यानचा प्रवास अधिक सुखकर आणि आनंददायी होईल, अशी त्यांची अपेक्षा आहे.