Omraje Nimbalkar | ओमराजेंचे कट्टर समर्थक कैलास पाटील अचानक ‘मातोश्री’वर, राजकारणात मोठं घडणार?

शिवसेना उद्धव बाळासाहेब ठाकरे गटातील 9 खासदारांपैकी 6 खासदार हे बंडखोरी करण्याच्या मार्गावर असल्याचं सांगितलं जात आहे. अशात मोठी घडमोड घडली. बंडखोरी करणाऱ्या या खासदारांपैकी एक असलेल्या ओमराजे निंबाळकर यांचे वडील पवनराजे निंबाळकर यांच्या केसमध्ये आज निकाल आला आहे. या निकालानंतर मोठा ट्विस्ट आला आहे. ओमराजे निंबाळकर यांनी टीव्ही ९ मराठीशी बोलताना मोठे विधान केले आहे.

पवनराजे निंबाळकर केसच्या निकालानंतर ओमराजे निंबाळकर शिवसेना एकनाथ शिंदे यांच्या गटात प्रवेश करणार का? अशा चर्चा रंगल्या होत्या. याबाबत ओमराजे निंबाळकर यांनी टीव्ही ९ मराठीशी बोलताना प्रतिक्रिया दिली आहे. शिंदे सेनेत जाण्याचा अद्याप कोणता राजकीय निर्णय घेतलेला नाही. मतदार संघात जाऊन चर्चा केल्यानंतर हा निर्णय घेणार असल्याचे ओमराजे यांनी स्पष्ट केले आहे. त्यांनी हे देखील सांगितले की त्यांच्या या शिंदे गटात जाण्याचा निर्यण आणि कोर्टात हा निकाल यात कोणताच संबंध नाही. दरम्यान आता अचानाक ओमराजेंचे जिवलग मित्र तसेच कट्टर समर्थक कैलासपाटील मातोश्रीवर दाखल झाल्याचं समोर आलं आहे. यानंतर राजकारणात एकच खळबळ उडाली आहे.

तब्बल २० वर्षांनंतर अखेर पवनराजे निंबाळकर हत्या प्रकरणाचा निकाल आज कोर्टाने दिला आहे. सबळ पुराव्या अभावी या आरोपींची निर्दोष मुक्तता करण्यात आली. माफीचा साक्षीदार विश्वासू नसल्याने त्याच्या जबाबाच्या आधारावर आम्हाला आरोपींना शिक्षा देता येत नाही असं कोर्टाने म्हटलं. ओमराजे निंबाळकर यांच्या कुटुंबाला या निकालामुळे मोठा धक्क बसला आहे. त्यामुळे आता राज्यात राजकीय समीकरणे फिरण्याची शक्यता वर्तवली जात आहे.