नवी दिल्ली : शिंदे गटाची ( shinde group ) राष्ट्रीय कार्यकारिणी बेकायदेशीर आहे. त्यामुळे एकनाथ शिंदे ( eknath shinde ) यांनी नेतेपद घेतले तेव्हा त्यांनी नेतेपदाची शपथ कोणत्या आधारावर घेतली होती? असा युक्तिवाद ठाकरे गटाचे वकील कपिल सिब्बल ( adv. kapil sibbal ) यांनी केंद्रीय निवडणूक आयोगासमोर केला.
शिवसेना पक्ष घटनेची माहिती त्यांनी पुन्हा एकदा निवडणूक आयोगाला दिली. शिवसेनेची घटना कायदेशीर नाही हे एकनाथ शिंदे गट कोणत्या आधारावर म्हणत आहे? राष्ट्रीय कार्यकारिणी आमच्यासोबत आहे. राष्ट्रीय कार्यकारिणीकडून पक्ष नेत्याची निवड होते असेही त्यांनी आयोगाला सांगितले.
उद्धव ठाकरे यांचा पक्षप्रमुख पदाची मुदत 23 जानेवारीला मुदत संपत आहे. त्यामुळे आम्हाला प्रतिनिधी सभा घेण्याची परवानगी द्या, अशी मागणीही कपिल सिब्बल यांनी केली.