केंद्र सरकारकडून वाढत्या महागाईच्या पार्श्वभूमीवर सामान्य जनतेला मोठा दिलासा देण्यात आला आहे. सरकारने पेट्रोल आणि डिझेलच्या अबकारी करामध्ये कपात करण्याचा निर्णय घेतला आहे. करामध्ये कपात करण्यात आल्याने पेट्रोल, डिझेल स्वस्त झाले आहे. पेट्रोल साडेनऊ रुपयांनी तर डिझेल प्रति लिटर सात रुपयांनी स्वस्त झाले आहे. पेट्रोल, डिझेल स्वस्त झाल्याने सामान्यांना मोठा दिलासा मिळाला आहे. दरम्यान केंद्रापाठोपाठ राजस्थान, केरळ आणि ओडिशा या राज्यांनी देखील इंधनावरील व्हॅट कमी केला आहे.