BIG Breaking : लंडनला जाणाऱ्या एअर इंडियाच्या विमानातील सर्वच 242 जणांचा मृत्यू, AP वृत्तसंस्थेचा दावा

अहमदाबाद विमान अपघाताबाबत मोठी माहिती समोर आली आहे. एअर इंडियाचे विमान अहमदाबाद विमानतळावरून उड्डाण करत होते. ते लंडनला जाणार होते. मात्र, टेकऑफ केल्यानंतर काही वेळातच विमानाला एका निवासी भागात अपघात झाला. हे विमान तब्बल तब्बल 625 फूट उंचीवर पोहोचले होते मात्र तेथून ते कोसळले.

अशातच अपघातग्रस्त एअर इंडिया एअरलाइन्सच्या विमानात कोणीही वाचले नसल्याचे माहिती अहमदाबाद पोलीस आयुक्तांकडून टीव्ही 9 ला देण्यात आली आहे. त्यानंतर AP या वृत्तसंस्थेकडूनही यासंदर्भात मोठी माहिती देण्यात आली आहे. अहमदाबाद येथे क्रॅश झालेल्या एअर इंडियाच्या लंडनला जाणाऱ्या विमानातील कोणीही वाचलेले नाही, असा दावा एपी या वृत्तसंस्थेकडून करण्यात आलाय. अपघातग्रस्त विमानात पायलट आणि क्रू मेंबर्ससह 242 लोक होते. या विमानात 242 प्रवासी आणि क्रू मेंबर्स होते. त्यापैकी 169 भारतीय नागरिक, 53 ब्रिटिश नागरिक, 1 कॅनेडियन नागरिक आणि 7 पोर्तुगीज प्रवासी होते, अशी माहिती एअर इंडियाकडून देण्यात आली आहे.