Sushma Andhare : विश्रांतवाडी अत्याचार प्रकरणावरून सुषमा अंधारे आक्रमक; फास्ट ट्रॅक कोर्ट, SIT अन्….
पुण्यातील विश्रांतवाडी येथे अल्पवयीन मुलीवर झालेल्या अत्याचाराच्या निषेधार्थ सुषमा अंधारे यांनी तीव्र आंदोलन केले आहे. पीडितेच्या कुटुंबीयांना पोलिसांनी धक्काबुक्की केल्याचा आणि तपास दाबण्याचा प्रयत्न सुरू असल्याचा आरोप अंधारे यांनी केला. आरोपीसोबत असलेल्या दोन महिलांना अटक करण्याची आणि संबंधित हलगर्जी करणाऱ्या पोलिसांवर कारवाई करण्याची मागणी त्यांनी केली आहे.
पुण्यातील विश्रांतवाडी येथे एका अल्पवयीन मुलीवर झालेल्या अत्याचाराच्या गंभीर प्रकरणी राष्ट्रवादी काँग्रेसच्या नेत्या सुषमा अंधारे यांनी तीव्र आंदोलन छेडले आहे. या घटनेतील आरोपीला अटक होऊनही त्याला मदत करणाऱ्या त्याच्या कुटुंबातील दोन महिलांना अद्याप अटक न झाल्याने अंधारे यांनी पोलिसांच्या कार्यपद्धतीवर प्रश्नचिन्ह उपस्थित केले आहे.
पोलिसांनी पीडितेच्या कुटुंबीयांना धक्काबुक्की करत आईला मारहाण केल्याचा आरोपही अंधारे यांनी केला आहे. गेल्या आठ दिवसांपासून गणेशोत्सवाच्या काळात अल्पवयीन मुलीवर अत्याचार झाल्याचे समोर आले असून, पीडितेची प्रकृती चिंताजनक आहे. हे प्रकरण दाबण्याचा प्रयत्न सुरू असून, अटकेसाठी वैद्यकीय तपासणीचे कारण दिले जात असल्याचा दावा अंधारे यांनी केला.
या प्रकरणी तात्काळ फास्ट ट्रॅक कोर्टात सुनावणी करण्याची, एसआयटी (SIT) चौकशी नेमण्याची आणि हलगर्जी करणाऱ्या पोलीस अधिकाऱ्यांचे निलंबन करण्याची मागणी सुषमा अंधारे यांनी केली आहे. न्याय मिळेपर्यंत आंदोलन सुरू ठेवण्याचा निर्धार त्यांनी व्यक्त केला आहे.
