राज ठाकरेंसमोर चिमुकलीचं शिवरायांच्या कर्तृत्वावर भाषण!
मनसे अध्यक्ष राज ठाकरे यांच्या रायगड दौऱ्यादरम्यान त्यांचे अनोख्या पद्धतीने स्वागत करण्यात आले. यावेळी राही रवींद्र साळवी या सहा-सात वर्षांच्या चिमुकलीने राज ठाकरे यांच्यासमोर छत्रपती शिवाजी महाराजांच्या कर्तृत्वावर आधारित एक प्रभावी भाषण सादर केले. राज ठाकरेंनी या चिमुकलीचे कौतुक करून तिला आशीर्वाद दिले.
मनसे अध्यक्ष राज ठाकरे यांनी रायगड जिल्ह्याचा दौरा केला. या दौऱ्यादरम्यान त्यांचे आगमन रायगडावर झाले. उद्या रायगडाच्या पायथ्याशी आयोजित सदस्य नोंदणी शुभारंभ कार्यक्रमापूर्वी राज ठाकरे यांनी छत्रपती शिवाजी महाराजांच्या समाधीवर नतमस्तक होणार असल्याचे जाहीर केले. रायगडमध्ये त्यांचे आगमन होताच ढोल-ताशांच्या गजराऐवजी फटाके आणि एका चिमुकलीने त्यांचे स्वागत केले.
राही रवींद्र साळवी नावाच्या सहा-सात वर्षांच्या या चिमुकलीने राज ठाकरे यांच्यासमोर छत्रपती शिवाजी महाराजांच्या शौर्य आणि पराक्रमावर आधारित एक हृदयस्पर्शी भाषण सादर केले. राज ठाकरे यांनी तिचे भाषण सुमारे १०-१५ मिनिटे लक्षपूर्वक ऐकले. भाषण संपल्यानंतर चिमुकली राहीने त्यांचे पाय धरले, त्यावेळी राज ठाकरेंनी तिला आशीर्वाद दिले. जानेवारीपासून या भाषणाची तयारी सुरू केल्याचे आणि यापूर्वी तिने विकी कौशलसमोरही असेच भाषण केल्याचे राहीने सांगितले.
