tv9 Marathi Special Report | शिंदेंना राज ठाकरेंचा लवचिक पाठिंबा, राजकीय वर्तुळात चर्चा

लोकसभेत भाजपला दिलेल्या बिनशर्त पाठिंब्यानंतर यावेळी पालिकेत मनसेने शिंदेंना दिलेल्या लवचिक पाठिंब्याची चर्चा सुरु आहे. कल्याण डोंबिवलीत शिंदेंना मनसेच्या नगरसेवकांनी पाठिंबा दिला. ज्यांच्याविरोधात प्रचारात रान उठवलं त्यांनाच पाठिंबा दिल्याबद्दल, अशा चर्चा राजकीय वर्तुळात रंगू लागल्या यावर अखेर राज ठाकरेंनी ट्विट द्वारे भूमिका मांडली. राजकरणात बाळासाहेबांना पण लवचिक भूमिका घ्यावी लागली म्हणून त्यांचं मराठी माणसावरचं प्रेम तसूभर पण कमी झालं नाही. मी एक शब्द आज पुन्हा देतो आरपार बदललेल्या राजकारणात कधीतरी लवचिक भूमिका घेतली तरी ती माझ्या व्यक्तिगत फायद्यासाठी किंवा स्वार्थासाठी कधीही नसेल असं ट्विट करत राज ठाकरेंनी चर्चंना उत्तर दिलंय.