निंबाळकरांसाठी 84 सभा अन् मीदेखील तीन दिवस तिथेच… संजय राऊतांनी सांगितली 2024 मधील ती गोष्ट

शिवसेना ठाकरे गटाचे प्रवक्ते संजय राऊत यांनी नुकतीच पत्रकार परिषद घेतली, यावेळी त्यांनी ऑपरेशन टायगर, पवनराजे हत्याकांड प्रकरण तसेच अनेक विषयांवर भाष्य केले. महत्त्वाचं म्हणजे त्यांनी ओमराजे निंबाळकरांबाबतचा एक किस्सादेखील सांगितला.

राऊत म्हणाले, ‘शिंदेंनी ऑक्शनमध्ये घेतलेत हे सहा खासदार, आज पैसा आहे… भाजप त्यांचा वापर करतंय म्हणून घेतले. आता त्यात काही नवीन नाही’. पुढे ओमराजे निंबाळकरांबाबत बोलताना संजय राऊत म्हणाले, ‘त्याची भाषणं ऐका, मोठ्या बाता तर ऐका; म्हणतो मी साधा ग्रामपंचायतीतसुद्धा नव्हतो, उद्धव ठाकरेंनी माझं बोट धरलं, उभं केलं. मी त्यांची साथ सोडली तर धाराशिवच्या जनतेनं मला जोडव्याने हाणावं’ असं त्याचं भाषण. त्यावेळी (निवडणुकीच्या वेळी) ओमराजेसाठी स्वतः उद्धव ठाकरेंनी 84 सभा घेतल्या होत्या, मी स्वतः तिथे तीन दिवस होतो आणि आज तो खासदार विकला जातो. काय बोलावं?

पुढे संजय राऊत पत्रकारांवर चिडत म्हणाले, ‘तुम्ही काय रोज रोज शिंदेची, त्यांच्याकडे गेलेल्या लोकांच्या विचारांची डायरी उघडून बसता?’