एक तरी पत्र दाखवलं तर मी राजीनामा देईन नाहीतर…. शिंदे गटातील बड्या नेत्याचं राऊतांना खुलं चॅलेंज

सुप्रीम कोर्टात शिवसेना पक्ष आणि धनुष्यबाण चिन्हाच्या वादावर सुनावणी सुरू असतानाच न्यायालयाबाहेर शिवसेना (ठाकरे गट) चे खासदार संजय राऊत आणि शिंदे गटाचे खासदार नरेश म्हस्के यांच्यातील एका प्रसंगाने सर्वांचे लक्ष वेधून घेतले. सुनावणीनंतर दोन्ही गटांचे नेते सुप्रीम कोर्टाबाहेर आले असताना राऊत आणि म्हस्के यांच्यात हलकाफुलका संवाद पाहायला मिळाला.

नरेश म्हस्के यांना पाहताच संजय राऊत यांनी त्यांच्याकडे पाहून “यावंच लागणार” अशी मिश्किल टिप्पणी केली. राऊत यांच्या या वक्तव्यानंतर परिसरात एकच हशा पिकला. त्यानंतर राऊत यांनी म्हस्के यांना माध्यमांसमोर येण्यासाठी बोलावले.

या प्रकरणाची आता दुसऱ्या दिवशीही तुफान चर्चा आहे. महत्त्वाचं म्हणजे या प्रकरणी नरेश म्हस्के यांनी आज माध्यमांशी संवाद साधला आहे. त्यांनी राऊतांवर ‘फेकुचंद’ अशी टीका केली इतकेच नाही तर थेट आव्हान दिले आहे. त्यांनी सांगितले की, एकनाथ शिंदे यांचे नेतृत्व मला मान्य आहे. महत्त्वाचं म्हणजे, शिदंबाबत तक्राकरीचं पत्र तर दाखवा…  जर माझी तक्रारीची अनेक पत्र आहेत, तर ती पत्रे खरंच दाखवा; आणि जर दाखवता आली तर मी राजीनामा देतो, अन् नाही दाखवता आली तर तुम्ही द्या…. पुढे त्यांनी सांगितले की, शिंदेसोबत जाणारा पहिला जिल्हाप्रमुख मी होतो. कोणत्याही अटीवर मी त्यांच्यासोबत आणि त्यांच्या विचारांसोबतच होतो.