नाशिक पदवीधर निवडणुकीच्या प्रचंड चर्चा झाली. महाविकास आघाडी विरूद्ध सत्यजित तांबे, या लढतीत यांनी विजय खेचून आणला. महाविकास आघाडी पुरस्कृत शुभांगी पाटील यांना हरवत सत्यजित यांनी निवडणूक जिंकली. अपक्ष निवडणूक जिंकल्यानंतर सत्यजित तांबे काय भूमिका घेणार? ते काँग्रेसशी जुळवून घेणार की भाजपसोबत हात मिळवणी करणार? याची चर्चा होतेय. या सगळ्यावर सत्यजित आपली भूमिका मांडणार आहेत. सत्यजित तांबे आज पत्रकार परिषद घेणार आहेत. नाशिकमध्ये संध्याकाळी 4 वाजता पत्रकार परिषद होणार आहे. निवडणुकीच्या निकालानंतर सत्यजित तांबे आज पहिल्यांदा आपली जाहीर भूमिका मांडणार आहेत. निवडणूक काळात झालेल्या आरोपांवर सत्यजित काय उत्तर देणार याकडे राजकीय वर्तुळाचं लक्ष आहे.