बाळासाहेबांच्या फोटो प्रकरणी माफी मागत शायना एन.सी. यांचा राजकीय विरोधकांना थेट इशारा

बाळासाहेबांच्या फोटो प्रकरणी माफी मागत शायना एन.सी. यांचा राजकीय विरोधकांना थेट इशारा

| Updated on: Nov 19, 2026 | 11:14 AM

शिवसेना प्रवक्त्या शायना एन.सी. यांनी अनावधानानं पत्रकार परिषदे दरम्यान बाळासाहेबांचा फोटो फाडला गेला, घडलेल्या कृत्याबद्दल मनापासून माफी मागितली आहे. आपल्या वक्तव्याचा जाणीवपूर्वक विपर्यास करण्यात आल्याचे त्यांनी म्हटले. बाळासाहेब ठाकरे हे देशाचे अद्वितीय नेतृत्व होते आणि त्यांच्या विचारांमधूनच प्रेरणा मिळते, असेही त्यांनी स्पष्ट केले.

शिवसेना प्रवक्त्या शायना एन.सी. यांनी अलीकडील पत्रिकार परिषदेतील बाळासाहेबांच्या फोटो फाटल्याच्या घटनेबद्दल माफी मागितली आहे. त्यांच्या अनावधानानं घडलेल्या कृत्याबद्दल त्यांनी मनापासून दिलगिरी व्यक्त केली. आपल्या ट्वीटद्वारे त्यांनी स्पष्ट केले की, त्यांच्या कृतीचा आणि वक्तव्याचा जाणीवपूर्वक विपर्यास करण्यात आला. शायना एन.सी. यांनी बाळासाहेब ठाकरे हे महाराष्ट्राचे नव्हे तर संपूर्ण देशाचे एक अद्वितीय आणि तेजस्वी नेतृत्व होते असे म्हटले आहे. एका पत्रकार परिषदेमध्ये त्यांनी बाळासाहेबांच्या विचारांचा संदर्भ दिला होता. मात्र, त्यानंतर त्यांच्या वक्तव्याचा चुकीचा अर्थ काढण्यात आल्याचे त्यांचे म्हणणे आहे.

बाळासाहेबांचा अनादर करण्याचा त्यांचा हेतू मुळीच नव्हता, उलट त्यांच्या ज्वलंत विचारांमधूनच त्या प्रेरणा घेतात असे त्यांनी आवर्जून सांगितले. जर त्यांच्या कृतीमुळे खऱ्या शिवसैनिकांच्या किंवा बाळासाहेबांच्या चाहत्यांच्या भावना अनावधानाने दुखावल्या गेल्या असतील, तर त्यांनी मनापासून त्यांची माफी मागितली. काही जणांनी त्यांच्या या कृतीचा विपर्यास करून राजकारण करण्याचा प्रयत्न केला असा आरोपही त्यांनी केला. बाळासाहेबांवरील प्रेम आणि निष्ठा सिद्ध करण्यासाठी कोणाच्याही प्रमाणपत्राची गरज नाही, असे ठणकावून सांगत सत्ता आणि स्वार्थासाठी बाळासाहेबांच्या विचारांशी तडजोड करणाऱ्यांनी आपल्याला बाळासाहेब शिकवू नयेत, असे सडेतोड प्रत्युत्तर शायना एन.सी. यांनी दिले.

Published on: Nov 19, 2026 10:59 AM
Loading...
Unable to load recommendations.
Follow Us