Rohini Khadse : इतकं भंपकपणा बरा नव्हे, बस कर पगली… चित्रा वाघ यांच्या ‘त्या’ कवितेवरून रोहिणी खडसेंचा पलटवार

सामनात छापला इंग्रजीत मथळा करून ठेवा फ्रेम… अशांना कधीच जाग येत नसते, जे घेतात झोपेचं सोंग, ओळखा पाहू कोण? असं म्हणत भाजप नेत्या चित्रा वाघ यांनी कवितेतून उद्धव ठाकरे यांच्यावर सडकून टीका केल्याचे पाहायला मिळाले होते. पहिलीपासून हिंदी सक्तीचा जीआर सरकारने रद्द केल्यानंतर आता भाजप नेत्या चित्रा वाघ यांनी ठाकरेंवर कविता करून निशाणा साधला आहे. दरम्यान यावर शरद पवार यांच्या राष्ट्रवादीच्या नेत्या रोहिणी खडसे यांनी प्रत्युत्तर दिलं आहे. ‘कशासाठी आमदार व्हायचं असतं… काय करू लागली… जनतेचे प्रश्न सोडून, कविता करू लागली…ऐकून कविता यांची जनता आता हसू लागली.. इतकं भंपकपणा बरा नव्हे ! बस कर पगली…’, असं खोचकपणे पलटवार करत रोहिणी खडसेंनी टोला लगावला आहे.