Shivsena Hearing Upadate : शिवसेना कुणाची? शिंदेंच्या वकिलांचा जोरदार युक्तिवाद; म्हणाले, फुटीनंतरही…

शिवसेना पक्ष आणि चिन्हासंदर्भात सुप्रीम कोर्टात सुनावणी सुरू आहे. शिंदे गटाचे वकील नीरज किशन कौल यांच्याकडून आजही युक्तिवाद केला जात आहे, जो त्यांचा या संदर्भातील युक्तिवादाचा तिसरा दिवस आहे. सरन्यायाधीश सूर्यकांत यांच्या खंडपीठासमोर ही सुनावणी सुरू आहे. कौल यांनी आपल्या युक्तिवादात विधिमंडळातील संख्याबळ आणि आमदारांना मिळालेली मते यावर भर दिला. निवडणूक आयोगाने निकाल देताना विधिमंडळ पक्ष चाचणीवर अवलंबून राहणे योग्य होते, असे त्यांचे म्हणणे आहे. त्यांनी सादिक अली केस आणि सुभाष देसाई प्रकरणाचा दाखला दिला.

सुभाष देसाई प्रकरणामध्ये आमदारांचे महत्त्व दिसून येते, असे कौल यांनी म्हटले. या प्रकरणाचा आमदारांच्या अपात्रतेच्या प्रकरणाशी संबंध नाही, असे कौल यांनी वारंवार स्पष्ट केले. अपात्रता प्रकरणावर सुनावणी म्हणजे केवळ वेळ वाया घालवणे आहे, असे त्यांचे म्हणणे आहे. निवडणूक आयोग ही एक महत्त्वाची संस्था असून त्यांना त्यांचे अधिकार वापरण्याचा पूर्ण हक्क आहे, यावरही कौल यांनी जोर दिला. निवडणूक आयोगाने शिंदे गटाला पक्ष आणि चिन्ह देण्याचा निर्णय योग्यच होता, असा युक्तिवाद त्यांनी केला आहे.