एकनाथ शिंदे यांच्या बंडानंतर शिवसेना पक्षात अनेक बदल झाले. पक्षाचं चिन्ह असणारं धनुष्यबाण नक्की कुणाचं? शिंदेगट की ठाकरेगटाचं? हा प्रश्न उपस्थित झाला. या चिन्हाबाबतच्या निर्णयासाठी आजचा दिवस अत्यंत महत्वाचा आहे. निवडणूक आयोगाने दिलेली मुदत आज संपतेय. त्यामुळे धनुष्यबाण चिन्ह नक्की कुणाचं? याबाबत निवडणूक आयोगासमोर आज दोन्ही गट आपलं लेखी म्हणणं मांडणार आहेत. प्रत्यक्ष युक्तिवादानंतर निवडणूक आयोगाच्या निर्णयाकडे सगळ्यांचं लक्ष लागलंय. निवडणूक आयोग आज निर्णय देणार की निर्णय राखून ठेवणार हे पाहणं महत्वाचं असेल.