Shrikant Shinde | आम्ही उठाव केला नसता तर मंत्रीपद मिळालं नसतं; श्रीकांत शिंदेंचा गणेश नाईकांना थेट इशारा
2022 मध्ये एकनाथ शिंदे यांनी उठाव केला नसता, तर आज अनेकांना सत्तेतील स्थान मिळाले नसते. त्यांनी सूचकपणे गणेश नाईक यांचा उल्लेख करत सांगितले की, त्या राजकीय घडामोडींमुळेच काही नेत्यांना मंत्रीपद मिळाले. त्यामुळे आज जे लोक टीका करत आहेत, त्यांनी त्या घडामोडींची आठवण ठेवावी.
राज्यातील राजकारणात पुन्हा एकदा आरोप-प्रत्यारोपांची ठिणगी पडली असून शिवसेना शिंदे गटाचे खासदार श्रीकांत शिंदे यांनी भाजपचे ज्येष्ठ नेते गणेश नाईक यांच्यावर जोरदार टीका केली आहे. श्रीकांत शिंदे म्हणाले की, 2022 मध्ये एकनाथ शिंदे यांनी उठाव केला नसता, तर आज अनेकांना सत्तेतील स्थान मिळाले नसते. त्यांनी सूचकपणे गणेश नाईक यांचा उल्लेख करत सांगितले की, त्या राजकीय घडामोडींमुळेच काही नेत्यांना मंत्रीपद मिळाले. त्यामुळे आज जे लोक टीका करत आहेत, त्यांनी त्या घडामोडींची आठवण ठेवावी, असा टोला श्रीकांत शिंदे यांनी लगावला. “एकनाथ शिंदे हे टीकेला शब्दांनी उत्तर देत नाहीत, तर कामातून उत्तर देतात,” असे सांगत श्रीकांत शिंदे यांनी आपल्या नेतृत्वाची भूमिका स्पष्ट केली. यावेळी त्यांनी गणेश नाईक यांना थेट इशाराही दिला. “ज्यांच्या घरामध्ये ज्यांची दोन मुलं आणि स्वतः माजी झालेले आहेत, त्यांनी एकनाथ शिंदे आणि मला माजी करण्याची भाषा करू नये. माझ्या नादाला लागू नका,” अशा शब्दांत त्यांनी नाईकांवर निशाणा साधला आहे.
