Sunil Tatkare On Sanjay Raut : विधानसभेपासून राऊतांचं मानसिक संतुलन ढासळलं, सुनील तटकरेंचा जोरदार हल्लाबोल; महाविकास आघाडीवरही साधला निशाणा

राष्ट्रवादी काँग्रेसचे नेते सुनील तटकरे यांनी खासदार संजय राऊत यांच्यावर जोरदार टीका केली आहे. विधानसभेपासून संजय राऊत यांचे मानसिक संतुलन ढासळले असल्याचे तटकरे यांनी म्हटले. शरद पवार साहेबांनी सहा दशके देश आणि राज्याला समर्पित केले असून, सर्व क्षेत्रांत त्यांनी उल्लेखनीय कामगिरी केली आहे. पंतप्रधान नरेंद्र मोदी यांनीही त्यांच्या तब्येतीची विचारपूस केली होती. अशा नेत्याला भेटायला जाणे हे प्रत्येकाचे कर्तव्य आहे.

अतुल लोंढे यांनी अजित पवार यांना महाविकास आघाडीकडून मुख्यमंत्री बनवण्याचा प्लॅन असल्याचा दावा फेटाळताना, तटकरे यांनी काँग्रेसचे सध्याचे संख्याबळ पाहता हे केवळ दिवास्वप्न असल्याचे सांगितले. महाविकास आघाडीचे सरकार आताही येणार नाही आणि भविष्यातही येणार नाही, असे त्यांनी स्पष्ट केले. महायुती राज्यात २०२९ च्या लोकसभा आणि विधानसभा निवडणुकांमध्ये लक्षणीय यश मिळवेल, असा विश्वासही तटकरे यांनी व्यक्त केला. विलिनीकरणाच्या मुद्द्यावर राऊतांच्या टीकेला प्रत्युत्तर देताना, तटकरे म्हणाले की, दुसऱ्यांवर बोट दाखवताना चार बोटे आपल्याकडे असतात.