सुप्रीम कोर्टाने रोहित पवार यांना सुनावलं! काय आहे कारण?
मुंबई क्रिकेट असोसिएशन (MCA) मधील सदस्य नोंदणीवरून सुप्रीम कोर्टाने रोहित पवारांना तीव्र शब्दांत सुनावले आहे. ४०० आजीवन सदस्यांच्या बेकायदेशीर नोंदणीच्या आरोपाखाली केदार जाधव यांनी याचिका दाखल केली होती. सुप्रीम कोर्टाने ही कामे त्वरित थांबवण्याचे आदेश देत, अखेर रोहित पवारांना केस मागे घ्यावी लागली.
मुंबई क्रिकेट असोसिएशन (MCA) च्या सदस्य नोंदणी प्रकरणी सुप्रीम कोर्टाने रोहित पवारांना जोरदार फटकारले आहे. एमसीएमध्ये रोहित पवारांनी ४०० आजीवन सदस्यांची बेकायदेशीर नोंदणी केल्याचा आरोप त्यांच्यावर होता. या सदस्यांमध्ये कुटुंबातील व्यक्तींचा समावेश असल्याचेही म्हटले जात होते. या प्रकरणी केदार जाधव यांनी आक्षेप घेत सुप्रीम कोर्टात धाव घेतली होती.
यापूर्वी उच्च न्यायालयाने या प्रकरणावर अंतरिम स्थगिती दिली होती. सुप्रीम कोर्टाने या प्रकरणाची गंभीर दखल घेतली. कोर्टाने रोहित पवारांना थेट विचारणा केली की, “तुम्ही बेकायदेशीर कामे करता. केस मागे घेता की डिसमिस करू?” या कठोर भूमिकेनंतर रोहित पवारांनी अखेर हे प्रकरण मागे घेतले. सुप्रीम कोर्टाच्या या निर्णयांमुळे एमसीए सदस्य नोंदणीतील अनियमितता आणि त्यावरील कायदेशीर कारवाई पुन्हा एकदा चर्चेत आली आहे.
Published on: Feb 03, 2026 01:46 PM
